International News

မြောက်ကိုရီးယားမှာ အိုပါး အသုံးအနှုန်းအပါအ၀င် တောင်ကိုရီးယားဗန်းစကားတွေ မပြောဖို့တားမြစ်

မြောက်ကိုရီးယားမှာ အိုပါး အသုံးအနှုန်းအပါအ၀င် တောင်ကိုရီးယားဗန်းစကားတွေ မပြောဖို့တားမြစ်


မြောက်ကိုရီးယားလူငယ်တွေအနေနဲ့ တောင်ကိုရီးယားက ဗန်းစကားအသုံးအနှုန်းတွေကို မပြောကြဖို့နဲ့ မြောက်ကိုရီးယားရဲ့ စံနှုန်းသတ်မှတ်ထားတဲ့စကားကိုသာ ပြောဆိုကြဖို့ လူငယ်တွေကို တိုက်တွန်းကြောင်း နိုင်ငံပိုင်သတင်းဌာနက ဇူလိုင် ၁၈ ရက်မှာ ဖော်ပြာထားပါတယ်။


တောင်ကိုရီးယားရဲ့ ဖက်ရှင်၊ ဆံပင်ပုံစံနဲ့ ဂီတပုံစံတွေကို မြောက်ကိုရီးယားပြည်သူတွေ လက်မခံကြဖို့ တောင်ကိုရီးယားအာဏာရ အလုပ်သမားပါတီရဲ့ ရိုဒေါင်ဆင်မွန် သတင်းစာက တိုက်တွန်းမှုပြုထားပါတယ်။


ဒီကန့်သတ်ချက်ဟာ ကြမ်းတမ်းတဲ့ ပြစ်ဒါဏ်တွေနဲ့အတူ ဘယ်လိုပြည်ပလွှမ်းမိုးမှုကိုမဆို ဖယ်ရှားရှင်းလင်းမယ့် ဥပဒေရဲ့ အစိတ်အပိုင်းတစ်ရပ်ဖြစ်ပြီး ချိုးဖောက်သူတွေအနေနဲ့ ထောင်ဒါဏ်သို့မဟုတ် ကွပ်မျက်ခြင်းခံရနိုင်ပါတယ်။


ပုံစံမျိုးစုံလှတဲ့ အယူအဆနဲ့ ယဉ်ကျေးမှုတွေထိုးဖောက်လာတာဟာ သေနတ်ကိုင်ထားတဲ့ ရန်သူထက် ပိုပြီး အန္တရာယ်များတယ်လို့ ရိုဒေါင်ဆင်မွန် သတင်းစာက ဖော်ပြထားပြီး တောင်ကိုရီးယား ကေပေါ့ပ်အပေါ် အားပေးတာတွေကိုလည်း သတိပေးထားပါတယ်။


ဒါ့ပြင် တောင်ကိုရီးယားမှာ အမျိုးသမီးက ခင်ပွန်းဖြစ်သူကိုခေါ်တဲ့ အိုပါး(အစ်ကို) လို့ခေါ်တဲ့ အသုံးအနှုန်းဟာ ချစ်သူကောင်လေးကိုလည်း ဒီအသုံးအနှုန်းနဲ့ တောင်ကိုရီးယားမှာ သုံးလေ့ရှိတာကြောင့် မြောက်ကိုရီးယားက တားမြစ်ထားပါတယ်။


မြောက်ကိုရီးယားနိုင်ငံထဲကို တောင်ကိုရီးယား၊ အမေရိကန်နဲ့ ဂျပန်နိုင်ငံတို့က သတင်းနဲ့ပတ်သက်တာတွေ ယူဆောင်လာသူတွေအများအပြားဟာ လက်ရှိမှာ သေဒါဏ်နဲ့ ရင်ဆိုင်နေရပြီး ဖတ်ရှုသူနဲ့ ကြည့်ရှုသူတွေကိုလည်း ထောင် ၁၅ နှစ်ချမှတ်နိုင်မှာဖြစ်ပါတယ်။

Ref : Yonhap
Voice Of Myanmar