Sports

စာချုပ်သစ်ချုပ်ဆိုဖို့အတွက်အဆင်မပြေသေးတဲ့ ဘရူနိုဖာနန်ဒတ်

မန်ယူအသင်းသည် အသင်း၏ပေါ်တူဂီကွင်းလယ်လူ ဘရူနိုဖာနန်ဒက်စ်အား စာချုပ်သစ်ချုပ်ဆိုရန်အတွက် သူ၏အေးဂျင့်ဖြစ်သူနှင့် ဆွေးနွေးခဲ့ရာတွင် သဘောတူညီမှုမရရှိခဲ့ကြောင်း Mirror သတင်းစာက ဖော်ပြခဲ့သည်။မန်ယူအသင်းသည် အသင်းတွင် တစ်နှစ်ခွဲကျော်ကစားထားသော ဘရူနိုဖာနန်ဒက်စ်၏စာချုပ်အား အသစ်ပြင်ဆင်ကာ စာချုပ်သစ်ချုပ်ဆိုရန် ဆန္ဒရှိနေခြင်းဖြစ်သည်။

ဘရူနိုဖာနန်ဒက်စ်၏ အေးဂျင့်ဖြစ်သူ မီဂွယ်လ်ပင်ဟိုသည် သူ၏ကစားသမား၏လစာငွေအား စာချုပ်သစ်တွင် တစ်ပတ် ယူရို (၃၅၀၀၀၀)ပေးရမည်ဟု တောင်းဆိုနေကြောင်း သိရှိရသည်။

မန်ယူအသင်းကမူ ယင်းစာချုပ်သစ်တွင် အသင်းမှထွက်ခွင့်လျော်ကြေး (Buyout Clause) ထည့်သွင်းလို်နေပြီး နှစ်ဦးနှစ်ဖက် လိုအပ်ချက်များအတွက် ဆွေးနွေးရာ၌ သဘောတူညီမှုမရကြောင်း Mirror က ဖော်ပြခဲ့သည်။

အသက်(၂၇)နှစ်အရွယ်ရှိပြီဖြစ်သူ ဘရူနိုဖာနန်ဒက်စ်သည် ၂၀၁၈ ဇန်နဝါရီလက မန်ယူအသင်းသို့ ရောက်ရှိလာပြီး လက်ရှိစာချုပ်သက်တမ်းမှာ ၂၀၂၅ ခုနှစ်အထိ ဇွန်လအထိဖြစ်သည်။

ဘရူနိုဖာနန်ဒက်စ်သည် မန်ယူအသင်းအတွက် ပြိုင်ပွဲစုံ (၈၄)ပွဲကစားထားရာတွင် (၄၄)ဂိုးသွင်းကာ (၁၇)ဂိုး ဖန်တီးပေးခဲ့သည်။

ခရက် ဒစ်